பலவீனமான உடம்பை பலசாலியாக்கும் கோதுமை பால், தயாரிக்கும் முறை, இந்த பாலையாச்சும் குடிங்க!

பலவீனமான உடம்பை பலசாலியாக்கும் கோதுமை பால், தயாரிக்கும் முறை, இந்த பாலையாச்சும் குடிங்க!
64 / Post Views.

என்ன சாப்பிட்டும் உடலுக்கு வலு கிடைக்கவில்லை என்பவர்கள் பாரம்பரிய முறையில் கேழ்வரகு பாலை எடுத்துகொள்ளலாம்.

 

தானியங்களில் ஒன்றாக சொல்லப்படும் கோதுமை பெரும்பாலான மக்கள் விரும்பி சாப்பிடும் உணவு. இது ஊட்டச்சத்துகள் நிறைந்ததும் கூட. கோதுமை நோய்களை குணப்படுத்தும் தன்மையை தன்னுள் கொண்டுள்ளது. ஆனால் அதை பயன்படுத்தும் முறை சீரானதாக இருக்க வேண்டும். கோதுமை உடல் எடையை கட்டுக்குள் வைக்க செய்கிறது. இது டைப் 2 நீரிழிவு நோயை தடுப்பதிலும், வளர்சிதை மாற்றத்தை மேம்படுத்துவதிலும் மிக முக்கிய பங்கு வகிக்கிறது. உடல் பலவீனமாகவே உள்ளது என்பவர்கள் கோதுமைப்பாலை குடித்து வந்தால் உடல் பலம் அதிகரிக்கும். எப்படி செய்வது என்று பார்க்கலாம்.

​கோதுமை கஞ்சி

கோதுமையில் செய்யகூடிய உணவுகள் என்றால் எல்லோருக்கும் சப்பாத்தி தான் நினைவுக்கு வரும். ஆனால் கோதுமையை விதவிதமாக எடுத்துகொள்ளலாம். அதிலும் உடல் குறைபாட்டுக்கேற்றபடி அதை தயாரித்து எடுத்துகொள்ள வேண்டும். எல்லோருக்கும் கேழ்வரகு கஞ்சி தெரியும். ஆனால் கோதுமையிலும் கஞ்சி செய்யலாம். இது உடலில் இருக்கும் கெட்ட கொழுப்பை கரைத்து வெளியேற்றக்கூடும். ஊட்டச்சத்து குறைபாடுகள் இருப்பவர்கள் கோதுமை கஞ்சி ஒரு டம்ளர் குடித்துவந்தால் ஊட்டச்சத்து சமநிலை ஆகும்.

ஒரு டம்ளர் கஞ்சிக்கான அளவு

கோதுமை மாவு – 1 டீஸ்பூன்

பால் – கால் டம்ளர்

உப்பு அல்லது நாட்டுச்சர்க்கரை – தேவைக்கேற்ப

தண்ணீர் – முக்கால் டம்ளர்

ஏலக்காய்த்தூள் – 2 சிட்டிகை,

கால் டம்ளர் நீரில் கோதுமைமாவு கட்டியில்லாமல் கரைக்கவும். அரை டம்ளர் நீரை கொதிக்க வைத்து கரைத்த கோதுமை மாவு சேர்க்கவும். கைவிடாமல் கிளறி மாவு பச்சை வாசனை போகும் வரை நன்றாக கலந்து இறக்கவும். இப்போது பால் மற்றும் உப்பு அல்லது நாட்டுச்சர்க்கரை சேர்த்து ஏலத்தூள் கலந்து குடிக்கவும்.

​கோதுமை பால் தயாரிப்பு முறை – 1

கோதுமை பால் இரண்டு விதமாக எடுக்கலாம். அதில் முதலாவது முறை எளிதானது. சமைக்க நேரமில்லை என்பவர்கள் இந்த முறையில் பால் எடுக்கலாம். கோதுமையை சுத்தம் செய்து ஒரு கப் அளவு எடுத்து நீரில் அலசி ஊறவைக்கவும். மறுநாள் காலை அந்த நீரை வெளியேற்றாமல் சிறிது சிறிதாக கோதுமையில் சேர்த்து அரைத்து வடிகட்டினால் கோதுமை பால் தயார். இதை அனைவரும் குடிக்கலாம்.

வெறும் கோதுமை தொண்டை கமறலை உண்டாக்குகிறது என்பவர்கள் கோதுமை பாலுடன் காய்ச்சிய பால் சம அளவு குடித்தால் உடலுக்கு சத்து கிடைக்கும். 1 வயது குழந்தை முதல் வயதானவர்கள் அனைவரும் குடிக்க ஏற்ற முறை என்றால் அதற்கு கொஞ்சம் மெனக்கெட வேண்டும் ஆனால் நல்ல பலன் கிடைக்கும்.

​கோதுமை பால் தயாரிப்பு – 2

கோதுமையை சுத்தம் செய்து தேவையான அளவு எடுத்து நீரில் அலசி ஊறவிடுங்கள். 8 முதல் 10 மணி நேரம் வரை ஊறவைத்து பிறகு அதை எடுத்து மெல்லிய துணியில் நீரை வடிகட்டி இலேசாக முடிச்சிட்டு முளைக்கட்ட வைக்கவும்.

இது முளைக்கட்டிய பிறகு எடுத்து மிக்ஸியில் அரைத்து பால் எடுக்கவும். குழந்தைகளுக்கு கொடுக்கும் போது கோதுமைப்பாலுடன் சம அளவு தண்ணீர் கலந்து ஒரு வயது குழந்தைக்கு கொடுக்கலாம்.

வளர்ந்தவர்கள், பெரியவர்கள் கோதுமைப்பாலுடன் சம அளவு தேங்காய்ப்பால் கலந்து இனிப்புக்கு தேன் சேர்த்து குடிக்கலாம். நெஞ்சுசளி இருக்கும் போது இதை குடித்தால் சளி வெளியேறும். மாதம் இரு முறையாவது கோதுமைப்பால் குடித்துவருவதன் மூலம் உடல் பலவீனமாவதை தடுக்க முடியும்.

​கோதுமை பால் தரும் நன்மைகள்

கோதுமை பால் சத்துக்காக என்பதால் வாரம் ஒரு முறை அல்லது இரண்டு வாரங்களுக்கு ஒரு முறை எடுத்துகொள்ளலாம். இது வாத நோய் வராமல் தடுக்கும். வாத நோய் இருப்பவர்கள் இதை குடித்துவந்தால் தீவிரமாகாமல் தடுக்கலாம். பெண்கள் மாதவிடாய் காலங்களில் இழக்கும் சத்தை ஈடு செய்ய அந்த நாட்களுக்கு முன்பும், மாதவிடாய் காலத்துக்கு பின்பும் கோதுமைப்பால் குடித்துவரலாம். இது அந்த நாட்கள் உபாதையயும் குறைக்கும்.

உடலில் வெள்ளை அணுக்கள் எண்ணிக்கையை அதிகரிக்கும் என்பதால் நோய் எதிர்ப்பு சக்தியும் அதிகரிக்கும். சிறிய தொற்று நோய்களை உடலில் அனுமதிக்காது. உடலை தாக்கும் பெரிய நோய்களின் அபாயத்தையும் தடுக்கும். கோதுமை மெதுவாக உடலில் உடைக்கப்படுவதால் ரத்த சர்க்கரை அளவை சமநிலையில் வைக்கவும், எடையை குறைக்கவும் கூட உதவும். கோதுமை பால் வித்தியாசமான செய்முறை என்பதோடு சுவையும் தரும் என்பதால் இதை முயற்சியுங்கள்.

குறிப்பு

குழந்தை முதல் பெரியவர்கள் வரை கோதுமைப்பால் குடிக்கலாம். கேழ்வரகு போன்று இல்லாமல் சமயங்களில் சிலருக்கு இது ஒவ்வாமையை உண்டாக்கும். வயிற்றுப்போக்கு உண்டாகலாம். அப்போது சில நாட்கள் இதை நிறுத்திவிட்டு பிறகு குடிக்கலாம். பிறகு உடல் ஏற்றுக்கொள்ளும். ஒவ்வாமையை உண்டாக்காது. குழந்தைகளுக்கு கால் டம்ளரில் பாதி அளவு கொடுக்கலாம். பெரியவர்கள் சம அளவு தேங்காய்ப்பால் கலந்து குடிப்பதாக இருந்தால் ஒரு டம்ளர் குடிக்கலாம்.

0 Shares

Leave a Reply

Your email address will not be published. Required fields are marked *